30 ANIVERSARIO APRAZADO

No pasado ano 2020, cumpriuse o 30 Aniversario da Banda de Música da Vertula. Aparecía por primeira vez nas festas da súa parroquia de Santa María de Paradela, San Gregorío, sendo a primeira banda de música do concello e iniciando así a súa andadura.

No 2020, a Banda da Vertula dispoñíase a comezar os seus actos de celebración no mesmo escenario que fai 30 anos, iniciando así unha temporada de actividades para conmemorar dita celebración.

Con motivo da crise sanitaria que estamos a vivir nestos días polo COVID 19, e seguindo as directrices do confinamento, quedan aprazados tódolos actos. 

Dende a Banda de Música da Vertula e a Asociación Cultural A Vertula, queremos dar ánimos a todas aquelas persoas que están a padecer os efectos desta pandemia, así como agradecer a toda esa xente que fai posible a recuperación e o mantemento dos servicios esenciais para a poboación.

Grazas e moito ánimo a todos.

​

Queda na casa! Nós tamén quedamos!